Pensionohet Milaim Hetemi, teknik i Shërbimit të Stomatologjisë, pas 45 vitesh përvojë në punë, bëhet e ditur nga Qendra Kryesore e Mjekësisë Familjare (QKMF), në Gjilan.
Kontributi i tij shumëvjeçar është vlerësuar lartë, në prezencë të menaxhmentit, shërbimit të Stomatologjisë dhe familjes Hetemi., me ç’rast edhe iu dorëzua një mirënjohje dhe fjalë rasti nga Udhëheqësja e MF, Dr. Fatime Sadiku.
Ajo e ka falënderuar thellësisht për punën e tij të vetëmohuese.
Nga ana tjetër, Shefi i Shërbimit të Stomatologjisë Dr. Taulant Ramadani ka thënë se Milam Hetemi mbetet një prej figurave të veçanta të institucioneve të shëndetësisë së Gjilanit.
Mirënjohje ndau edhe kryeinfermierja Violeta Mustafa Hasani.
Milaim Hetemi filloi punën qysh nga viti 1980, për të përmbledhur plot 45 vite kontribut.
Ka qenë themelues i Sindikatës së Pavarur për të drejtat e punëtorëve shëndetësor së Komunës së Gjilanit, gjatë regjimit të asaj kohe.
“Profesionist, e i dashur, ashtu u përcoll me respekt e fjalë krenarie.I urojmë shëndet e mirëqenie në kapitullin e ri të jetës”, thuhet në njoftimin e QKMF-së. /GJILANI INFO/
