Sadbere Gagica Spahija
Dhe hënën e marr në gji
Lozanjare më duket kjo natë
Era m’i derdh flokët e (sh)krehura
Nëpër dhembje takohem me Ty
Malli im i zhuritur..ti këngë në pambarim
Prush i kam ecjet nëpër kthesa stinësh
Dashuri e (pa)shfaqur si në libër të Khajamit
E përpëlitet fjala ime mes këtij zjarri
Që më dogj…eshkë më bëri ky zjarr
Heshtur vjen..më kall..
Stërkalla valësh vijnë më bëjnë akull
Rrugët i mas çdo natë trishtimi më trondit
Trëndafil në kopshtin pa aromë
Këmbë e një shkronje të më shkel
Gjeth vjeshte jam bërë…stuhitë
Më përplasin…vendlindja më grish
Një lundër më pret atje në breg
Rri e hutuar…një shqiponjë fluturon
Mbi shkëmbinj të atdheut të lodhur
Nga frontarët
Hamlet…ç’të bëj me fantazmat sonte?
Trazoj ëndrrat portretin tënd e kërkoj!