Kreu i Komunës së Gjilanit, Alban Hyseni pasi ka thënë se dyert e komunës janë të hapura për qytetarët, edhe ka paralajmëruar se do të takohet pasditen e së premtes me ata qytetarë që shprehin interesim për takim.
Kryetari Hyseni ka theksuar se pavarësisht takimeve të përditshme dhe për shkak të kërkesave të shumta, krakas kësaj ka caktuar një kohë të veçantë për takime me qytetarët.
Sipas tij, çdo të premte, nga ora 14:00 deri në 16:00, do të priten në takime qytetarët e interesuar për bashkëbisedime të hapura.
“Të dashur qytetarë, ky nuk është një kufizim, dyert tona mbeten gjithmonë të hapura për ju”, ka thënë kryetari Alban Hyseni. /GJILANI INFO/
