Dekani i Fakultetit të Shkencave Sociale në Universiteti Publik “Kadri Zeka”, Prof. Asoc. Dr. Selim Daku, së bashku me Prodekanin Prof. Ass. Dr. Blerim Haziri, realizuan një takim pune në Departamentin e Historisë të Universitetit të Prishtinës, ku u pritën nga Shefi i Departamentit, Prof. Ass. Dr. Mentor Hasani, si dhe Prof. Kujtime Boshtrakaj-Camaj.
Gjatë takimit u diskutua lidhur me përvojat akademike, procesin e mësimdhënies, organizimin institucional dhe mundësitë e bashkëpunimit ndëruniversitar. Po ashtu u bisedua edhe rreth praktikave më të mira në funksion të avancimit të cilësisë në arsimin e lartë dhe forcimit të bashkëpunimit akademik e shkencor. Në këtë kontekst, përfaqësuesit e Departamentit të Historisë, theksuan rëndësinë e shkëmbimit të ideve dhe përvojave që kontribuojnë në zhvillimin institucional dhe akademik.
Të dy përfaqësuesit e institucioneve UKZ-së dhe UP-së, shprehen gatishmëria për thellimin e bashkëpunimit në fusha të ndryshme akademike dhe shkencore, duke përfshirë shkëmbimet akademike për studentët, veçanërisht të nivelit master, organizimin e aktiviteteve të përbashkëta dhe krijimin e mundësive të reja për bashkëpunim në të ardhmen.
Bashkëbiseduesit vlerësuan se takime të tilla përbëjnë një bazë të rëndësishme për ndërtimin e partneriteteve të qëndrueshme dhe për avancimin e bashkëpunimit në interes të studentëve dhe stafit akademik./Gjilani INFO/
