Edhe Shoqata Ndërkomunale e të Verbërve në Gjilan është në vlugun e aktiviteve për të shënuar “Javën Ndërkombëtare të Njeriut më Shkop Të Bardhë”, e cila ka filluar sot e do të vazhdoj deri me 22 tetor, ka njoftuar kryetari, Bajram Spahiu
Aktivitetet që do të shpërfaqen kanë për moto, me sa vijon:
“A pajtohesh me mua dhe errësiren time?”, pastaj kjo Shoqatë ka paraparë aktivitete të shahut individual, me c’rast edhe do të tubohet komuniteti i të verbërve nga komunat e Regjionit të Gjilanit për të zhvilluar këtë aktivitet. Pasohet pastaj edhe me Kampionatin e Rregullt te Goallballit, – sezoni vjeshtor. E përtej saj është edhe aktiviteti kulturor me moton: “Të njihemi me njëri- tjetrin, dhe trashigemin kulturore pa kufi”, ku edhe është e planifikuar vizita që do i bëhet Qendrës Rajonale të Trashëgimisë Kulturore të Pejës për t’u njohur me monumentet e keëtij qyteti, mbi to me amblemen e qytetit të Pejës , ku edhe do të vizitohet Konaku i Tahir Beut, Bajrakli Xhamija, Carshija e Gjatë, Mullini i Haxhi Zekes etj.
I pyetur për sfidat me të cilat po përballet kjo kategori shoqërore, kryetari Spahiu, ndër tjera tha:
“Sfidat gjatë javës dhe cdo muaj për komunitetin e të verbërve janë : Mungesa e literatures së Brait, casja infrastrukturore për lëvizje të lirë përmes mjeteve taktiLe, mos zbatimi i ligjit 03/L-019, Ligji për Aftësim dhe Riaftësim mundësi e punësimit me Statut të rregullt, si dhe Ligjit 04/L-092 Ligjit për të verbër dhe me të pame të dobët”, nënvizoi ai./GJILANI INFO/
