Kontigjenti i MSU-së, me prezencën e Komandantit të Regjimentit të Karabinierëve MSU, Kolonel Alberto Santini, dhe drejtori i shkollës Roland Masurica, nënshkruan aktin e pranim/dorëzimit të mjeteve të konkretizimit si donacion në vlerë prej 9 mijë euro.
Kabinetet dhe ateletë e shkollës së mesme të Arteve pamore “Adem Kastrati”, janë pajisur me vegla pune të rëndësishme të cilat do t’i shërbejnë nxënësve për konkretizimin e mësimit dhe ngritjen e shkathtësive të tyre, transmeton 2LONLINE.com.
Roland Masurica, drejtori i shkollës ka thënë se kjo është hera e dytë që shkolla përfiton donacion nga misioni Italian në Kosovë, i cili ndjeshëm do të përmirësoj kushtet e punës dhe do të mundësoj që nxënësit dhe mësimdhënësit të ngrisin kompetencat e tyre në mësimdhënie dhe nxënie.
“Në emër të shkollës falënderojmë Misionin e Karabinierëve në Kosovë, ku përveç misionit të sigurisë që kanë si prioritet, ata në vazhdimësi ndihmojnë në përmirësimin e infrastrukturës në fushën e arsimit, andaj ju jemi mirënjohës për jetë”, ka thënë Masurica, transmeton 2LONLINE.com.
Kolonel Alberto Santini, Komandanti i Regjimentit të Karabinierëve Italian, në fjalën e tij të rastit tha se” “Ne po mundohemi që të bëjmë gjithçka për përmirësimin e kushteve të punës për ju, andaj, jam i kënaqur që ky donacion do të ndihmoj në zhvillimin e potencialit tuaj. Ju jeni rinia dhe e ardhmja e këtij vendi. Ju faleminderit shumë”.
Në shenjë respekti për këtë kontribut të dhënë, shkolla ndau disa mirënjohje. /GJILANI INFO/
