Shërbimit të hemodializës në Spitalin e Përgjithshëm të Gjilanit iu janë shtuan edhe 6 aparate të hemodializës të cilat janë blerë me mjete të buxhetit të Spitalit Kjo u mundësua pas rritjes së buxhetit për investime kapitale për këtë vit nga ana e Ministrisë së Shëndetësisë, bëhet e ditur përmes faqes zyrtare të Spitalit Rajonal në Gjilan.
“Këtij kontigjenti të aparaturave të hemodializës ia shtojmë edhe tri aparatura të fituara donacion nga populli i Kuvajtit në fundin e vitit të kaluar si dhe 5 aparatura relativisht të reja me të cilat kemi operuar në 3-4 vitet e fundit. Ndërkaq tashmë reparti i hemodializes operon me shumicën e aparaturave të reja të cilat do te rrisin cilësinë dhe sigurinë e shërbimeve për pacientët e këtij reparti të ndieshëm”, thuhet në vijim.
Me këto aparatura të reja thuhet se do të lehtësohet edhe puna e personelit në këtë repart.
Nga ana tjetër është shprehur vendosmëria që përmes investimeve nga donacionet dhe planifikimit buxhetor të rritet cilësia dhe gama e shërbimeve për pacientët./GJILANI INFO/