Komuna e Vitisë, ka zhvilluar sot disa aktivitete mjedisore që kishin për qëllim mbrojtjen e ambientit dhe rritjen e vetëdijes qytetare për ruajtjen e tij.
Aktivitetet filluan përgjatë lumit “Morava e Binçes” në Viti, ku edhe janë mbjellur drunj dekorativ si dhe është zhvilluar një aksion për pastrimin e lumit.
Aktiviteteve janë paraprirë nga kryetari i komunës së Vitisë, Sokol Haliti me bashkëpunëtorë.
Kanë marrë pjesë edhe përfaqësues të KFOR-it amerikan, Policisë, “Eco Higjiena”, zjarrfikësit dhe qytetarë të tjerë.
Kryetari Haliti, gjatë fjalës së tij, theksoi rëndësinë e ndërgjegjësimit për mbrojtjen e mjedisit dhe bëri të ditur se viti 2025 është shpallur nga komuna si “Viti i Mbrojtjes së Mjedisit dhe Pyjeve”.
Ai ka thënë se komuna e Vitisë, pos ndërgjegjësimit të qytetarëve po punon vazhdimisht edhe në ruajtën e një mjedisi të pastër duke forcuar kontrollin dhe inspektimet ndaj atyre që ndotin mjedisin.
Më pas aktiviteti mjedisor është zhvilluar edhe në parkun e kompleksit memorial të diplomatit të njohur amerikan “ Richard Holbrooke” në Viti.
Përndryshe dita ndërkombëtare e mjedisit është një ngjarje globale që çdo vit, më 5 qershor dhe i kushtohet ruajtjes së natyrës dhe klimës./GJILANI INFO/
