Komuna e Kamenicës, përkatësisht Drejtoria për Bujqësi, Pylltari dhe Zhvillim Rural, në bazë të Ligjit për Gjueti Nr. 02/L-53, njofton se sezoni i gjuetisë në territorin e Komunës së Kamenicës mbyllet me datë 31.01.2026, me qëllim të mbrojtjes së faunës së egër dhe ruajtjes së ekuilibrit natyror.
Me këtë rast, Drejtoria për Bujqësi, Pylltari dhe Zhvillim Rural shpall zyrtarisht të mbyllur sezonin e gjuetisë dhe pas kësaj date ndalohet rreptësishtë çdo aktivitet i mëtejshëm i gjuetisë.
Ky njoftim është i detyrueshëm për të gjithë gjuetarët, shoqatat e gjuetarëve, si dhe për të gjithë shfrytëzuesit e vendgjuetive në territorin e Komunës së Kamenicës. /Gjilani INFO/
