Me ftesë të Misionit të Organizatës për Siguri dhe Bashkëpunim në Evropë Koordinatorja e NJKDNJ-së, Nazmije Demolli Kastrati, në cilësinë e panelistes mori pjesë në: “Sesionin informues mbi çështjet e sigurisë për të rinjtë shqiptarë dhe serbë të Kosovës që jetojnë në rajonin e Gjilanit”.
Pjesëmarës ishin të rinjët nga Komuna e Kamenicës, Gjilanit, Ranillugut, Kllokotit dhe Parteshit, Koordinatori i NJKDNJ-së, Gjilan, Ardian Foniqi, Përfaqësuesja e GGK, Azemine Maliqi, përfaqësues të Organizatave Rinore, Këshillat e Veprimit Rinor Lokal.
Paneliste në këtë takim ishte edhe Mediana Bislimi, e cila i njoftoj të rinjët rreth masave parandaluese të dukurive negative.
Ndërsa, Koordinatorja Nazmije Demolli Kastrati, informoi të rinjët e Regjionit të Gjilanit për parandalimin e dukurive negative, me theks të veçantë: “Bullizmi, Delikuenca dhe Dhuna Emocionale”, të cilat janë të shprehura jashtzakonisht shumë në vendin tonë.
Pas diskutimeve të shumta nga të rinjët lidhur me këto çështhr, Koordinatorja e NJKDNJ-së, Demolli-Kastrati, para të rinjëve lansoi videospotin premierë me temë: “STOP BULLIZMIT”, i cili u prezantua në formë vizuale me video e foto të cilat ishin pergatitur në mënyrë mjaft atraktive dhe interesante për të pranishmit.
Videospoti përmbanë në vete çështje të rëndësishme sa i përket parandalimit të bullizmiy dhe fazës delikuente tek fëmijët dhe të rinjët.
Zyrtarët e OSBE-së shprehën mirënjohje e falenderim për Koordinatoren Demolli Kastrati, për prezentimin e shkëlqyeshëm para të rinjëve, i cili kishte për qëllim sensibilizimim e të rinjëve sa i përket parandalimit të dukurive negative./GJILANI INFO/