Riad Rashiti, drejtor për Buxhet dhe Financa në komunën e Gjilanit, përmes profilit të tij në Facebook, ka thënë se duhet të rritet dinamika e punëve, për të finalizuar disa nga investimet e vonuara në projektet kapitale, në mënyrë që buxheti i këtij viti të shfrytëzohet sa më mirë dhe mos të barten në suficit për vitin tjetër.
Sipas tij, jo pak pengesa egzistojnë në realizimin me kohë, të këtyre investimeve në projekte kapitale.
Drejtori Rashiti, ka njoftuar për një takim që kanë mbajtu sot bashkë me disa nga drejtorët dhe zyrtarët financiar të komunës së Gjilanit.
” U zotuam që për këto pak javë të mbetura, deri në afatin ligjor, të shfrytëzimit të buxhetit për këtë vit, prioritet i yni të fokusohet në angazhimet tona të përbashkëta, në përshpejtimin e procedurave për të maksimalizuar shfrytëzimin e kohës së mbetur deri më 31 tetor, kur është afati i fundit ligjor për zotim të mjeteve për investime kapitale “, ka theksuar drejtori Rashiti./GJILANI INFO/
