Është bërë promovimi i profileve profesionale të Shkollës së Mesme Teknike “Mehmet Isai”, organizuar nga drejtoresha e Arsimit të Komunës së Gjilanit Albana Demiri.
Në emër të kryetarit të Gjilanit Alban Hyseni, foli nënkryetarja e komunës Leonora Morina Bunjaku para të pranishmëve, kryesisht nxënësve të klasëve të nënta për rolin dhe rëndësinë e orientimit në karrier si dhe promovimin e profileve profesionale.
Drejtoresha e Arsimit, tregoi se profilet e reja për vitin shkollor 2023/24 janë: gjeodezi, instalues i ngrohjes dhe klimatizim, instalues elektrik, ndërtimtari (Izolim i objekteve)
Më tej Albana Demiri, tregoi se me tre nga profilet e kësaj shkolle do të startojmë vitin e ri shkollor me mësim dual.
Prindër, nxënës, mësimdhënës e zyrtarë komunalë e të komunave fqinje u njoftuan më detajisht rreth këtyre profileve profesionale dhe impaktin e tyre në edukim dhe jo vetëm./GJILANI INFO/
