Prokuroria Themelore në Gjilan, brenda javës së fundit, përkatësisht nga data 19 – 25 Gusht 2024, ka regjistruar gjithsej dyzetenëntë (49) kallëzime penale, ndaj pesëdhjetekatër (54) personave.
Gjatë kësaj jave janë proceduar:
tridhjetetre (33) aktakuza, ndaj tridhjetepesë (35) personave,
shtatëmbëdhjetë (17) aktvendime (përfshirë aktvendime për fillimin e hetimeve, për fillimin e procedurës përgatitore, për pushimin e hetimeve, zgjerimin e hetimeve, për hedhje të kallëzimit penal, aktvendime të ekspertëve mjeko – ligjor, aktvendim për ekzaminime),
gjashtë (6) kërkesa për caktimin e masës së paraburgimit, ndaj gjashtë (6) personave,
dy (2) raste të zgjidhura përmes procedurës së ndërmjetësimit.
Po ashtu, nga prokurorët kujdestarë gjatë kësaj periudhe kohore janë ndaluar gjashtë (6) persona, si dhe nga prokurorët e kësaj prokurorie janë intervistuar dyzetetre (43) palë thuhet në njoftimin e Prokurorisë së Gjilanit./GJILANI INFO/
