Prokuroria Themelore në Gjilan, me urdhër të prokurorit, në tri raste të ndara ka ndaluar tre persona, në kohëzgjatje prej 48 orësh.
Njëri nga personat është ndaluar për veprën penale “Asgjësimi apo dëmtimi i pasurisë”, personi tjetër për veprën penale “Keqtrajtimi apo braktisja e fëmijës” si dhe personi i tretë për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge”.
Kërkesat për caktimin e paraburgimit (apo masa tjera): Prokuroria Themelore në Gjilan, ka paraqitur një kërkesë për caktimin e masës së paraburgimit kundër një personi për shkak të dyshimit se ka kryer veprën penale “Dhunimi” dhe një kërkesë për paraburgim kundër një personi për veprat penale “Fajdeja” dhe “Mbajtja në pronësi, kontroll ose posedim të paautorizuar të armëve”./GJILANI INFO/
