Kryetari Haliti priti në takim kryetarin e AKB-së, Agim Shahini me bashkëpunëtorë, ata e çmojnë lartë punën e komunës në zhvillimin e bizneseve
Kryetari i Komunës së Vitisë, Sokol Haliti, ka pritur sot në takim Kryetarin e Aleancës Kosovare të Bizneseve (AKB), Agim Shahini i shoqëruar nga zv.kryetari i AKB-së, Suat Berisha dhe disa të tjerë.
Gjatë takimit, Kryetari Haliti i informoj për potencialet e mira që ofron komuna e Vitisë, për zhvillimin e biznesit, duke përfshirë edhe parkun industrial në Budrikë të Epërme, ku bëri me dije se komisioni përkatës veç se ka njoftuar opinionin publike mbi aplikuesit që kanë plotësuar kushtet për marrjen në shfrytëzim të parcelave.
Ai po ashtu tha se qeverisja lokale në Viti, do vazhdoj të mbetet e përkushtuar që të krijoj kushte sa më të mira për bizneset me qëllim të krijimit të vendeve të reja të punës dhe në forcimin gjendjes ekonomike, duke e bërë Vitinë edhe më tërheqëse për sektorin e biznesit.
I pari i Vitisë, i njoftoj ata edhe mbi zhvillimet e gjithmbarshme në Viti si dhe e ftoj që të bashkëpunoj me këtë komunë me qëllim të shfrytëzimit të potencialeve që ka ajo. Po ashtu ai përmendi edhe punën që kanë bërë në rregullimin e infrastrukturës rrugore, jo vetëm brenda territorit të komunës së Vitisë, por duke e lidhur atë edhe me komunat fqinje. Kryetari Haliti tha se Vitia, ka biznese të suksesshme në sektor të ndryshëm me të cilët krenohet dhe shtoj se ka bashkëpunime ndërkombëtare, ku investitorë të huaj janë të interesuar të vijnë të hapin bizneset në Viti duke e marrë si shembull rastin e Shoqatës së Bizneseve Shqiptare nga Turgutlu i Turqisë.
Ndërkaq z. Shahini ndër tjerash u shpreh se AKB ka kënaqësinë që ti dëgjoj sukseset dhe potencialet e komunës së Vitisë, duke e cilësuar atë si model për Kosovën. Ai gjithashtu shprehu shqetësimin e tij që Kosova po vuan sanksionet ndërkombëtare si dhe ikjen e të rinjve për një jetë më të mirë.
Ndërkaq zv. kryetari i AKB-së, Suat Berisha i cili është edhe president i Kolegjit “Universum” u pajtua se Vitia ka arritur suksese të shumta, por theksoj se si komunë ka resurse dhe potenciale të mira për zhvillim, duke i përmendur disa nga to si: mineralet, ujërat termale, mundësinë e zhvillimit të energjisë së pastër etj./GJILANI INFO/
