Policia e Kosovës ka kërkuar bashkëpunim nga qytetarët për arrestimin e një personi, i dyshuar për vjedhje.
Policia ka shpërndarë fotografinë e të dyshuarit.
“Njësiti i Hetimeve të stacionit policor në Graçanicë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. Personi i dyshuar kërkohet për përfshirje veprën vjedhje”, thuhet në njoftimin e policisë.
Tutje, policia thotë se për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: [email protected].
