Në fshatun Uglar të Komunës së Gjilanit policia ka arrestuar dy persona si pasojë e një mosmarrëveshjeje e cila ka eskaluar në përleshje fizike, bëhet e ditur përmes raportit të fundit prej 24 orësh nga Policia e Kosovës.
Sipas asaj që është raportuar në polici thuhet se njëri nga personat e dyshuar kishte marrë prej shtëpisë së tij një armë automatike me të cilën pastaj edhe ka shtënë me armë zjarri në drejtim të shtëpizave të personit tjetër dhe familjarëve të tij.
Ndërkaq si pasojë e përdorimit të armës nga predhat e fishekëve të armës janë goditur shtëpitë e të dyshuarit si dhe një veturë e parkuar.
Në vendin e ngjarjes kanë dalë njësitë relevante policore me c’rast nga njëri prej personave të dyshuar është sekuestruar një pushkë automatike me 21 copë fishekë, thuhet për ngjarjen.
Me vendim të prokurorit mandej personi i dyshuar që kishte përdorur armën është dërguar në mbajtje, kurse tjetër po ashtu I dyshuar është liruar në procedurë të rregullt, njofton policia./GJILANI INFO/