Përkujtohen dëshmorët Abdullah Tahiri, Ibrahim Pacolli dhe Arben Ramadani

Me rastin e përvjetorit të rënies së dëshmorëve Abdullah Tahirit, Ibrahim Pacollit dhe Arben Ramadanit, janë bërë homazhe te varrezat e dëshmorëve nga përfaqësues komunalë, ata të subjekteve politike, bashkëpunëtorë, familje të dëshmorëve, invalidë dhe veteranë të luftës së UÇK-së dhe përfaqësuesit e OVL-UÇPMB.

Kryetari i Komunës së Gjilanit, Alban Hyseni, tha se në Kompleksin e Varrezave të Dëshmorëve të Kombit në Gjilan, së bashku me bashkëpunëtorë, familje të dëshmorëve, invalidë dhe veteranë të luftës së UÇK-së, bënë homazhe në nderim të jetës dhe veprës heroike të
Abdullah Tahirit, Ibrahim Pacollit dhe Arben Ramadanit.

“Sakrifica dhe gjaku i dëshmorëve janë gurthemelet e lirisë tonë. Kujtimi për ta do të mbetet gjithmonë udhërrëfyes në punën tonë të përditshme për forcimin e shtetit. Lavdi e përjetshme dëshmorëve të kombit”, tha kryetari Hyseni./Gjilani INFO/