Drejtoria Rajonale e Policisë Gjilan, Njësia rajonale e Trafikut Rrugor dhe Stacionet Policore gjatë periudhës kohore 02.01.2026 – 08.01.2026 në vazhdën e implementimit të planeve operative për siguri në trafik kanë shqiptuar njëmijë e tetëqind (1800) gjoba.
Gjatë kësaj periudhe në kuadër të këtyre planeve janë ndërmarr aktivitete edhe në:
Hetim i njëzet e tre (23) aksidenteve të trafikut me dëme materiale,
Hetim i njëzet (20) aksidenteve të trafikut me të lënduar,
Shqiptuar masa e ndalim drejtimit të mjeteve motorike për dyzet e pesë (45) ngasës.
Me qëllim parandalimin e aksidenteve në trafik, Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik, ulin shpejtësinë, mos përdorin telefonin, vendosin rripin e sigurimit, ken kujdes ndaj këmbësorëve, mos e neglizhojnë sinjalistikën rrugore dhe semaforët.
Siguria në rrugë është përgjegjësi e përbashkët, anadaj edhe ndihmoni në uljen e aksidenteve dhe ruajtjen e jetës, thuhet nga Drejtoria Rajonale e Policisë në Gjilan./Gjilani INFO/
