Biblioteka e Qytetit “Fan S. Noli” për gjashtë muaj të këtij viti është pasuruar edhe me 510 ekzemplarë librash, prej tyre 156 tituj.
Drejtori, Qazim Azizi thase që të gjitha janë të përpunuara, inventarizuara dhe të futura në bazën e katalogut elektronik të Bibliotekës.
Ndërkaq në bazë të katalogut elektronik gjatë muajve të përmendur janë hudhur mbi 1 mijë libra autorësh dhe janë të printuara në (hard copy) në skedarët e bibliotekës.
Drejtori i kësaj biblioteke njoftoi edhe per regjistrimet e anëtarëve të rinjë si dhe për leximet dhe huazimet e librave.
“ Nga janari deri në muajin qershor janë regjistruar edhe 1193 anëtarë të rinj, dhe këta lexues në bibliotekë kanë huazuar dhe lexuar afërsisht 9 mijë libra, e gjithashtu është shfrytëzuar edhe Baza UNPAYWAL mbi 5 mijë hulumtime dhe kërkime. Pastaj për përdoruesit e saj ka huazuar 1226 revista dhe 2 mijë e 180 gazeta dhe materiale tjera të periodikut”, ka thënë drejtori Azizi.
Sipas tij, që nga fillimi i vitit 2024 në sallat e bibliotekës janë bërë 23 mijë e 698 shërbime për nxënës, studentë e shfrytëzuesit tjerë të saj. Mandej, edhe aktivitete tjera kulturore,-tryeza ku është promovuar jeta dhe vepra e Musa Ramadanit. Janë organizuar garat e enigmatëve të Gjilanit dhe përmes anëtarëve të saj në njëjtën kohë u botua edhe revista “Horoizonti “e cila do të digjitalizohet këtë vit.
Në vazhdën e aktiviteteve që kanë ndodhur brenda hapsirës së këtij tempulli të diturisë, drejtori Azizi përmendi edhe organizimin e Orës së Madhe Letrare – “Pena e Flakës”, Festën për 17 Shkurt 2024 me një program të vetë anëtareve të bibliotekës, me ç’ rast komisioni i përzgjodhi tre texuesit e dalluar të vitit 2023, si: Arabana Musliu, nxënëse kl.IX- SHFMU “R Cërnica” Cërnicë, Eni Ademi, nxënëse kl. lll “Hello Academy” Gjilan dhe Luart Kqiku, student në Prishtinë , e me këtë rast të përzgjedhurve nga biblioteka moren dhurate nga një komplet librash.
Drejtori Azizi tha se që nga janari deri në qershor 2024 Bibliotekën e Qytetit e kanë vizituar me qindra e ndoshta mijëra nxënës dhe mësues, qindra edukatorë e edukatore si dhe nxënës e fëmijë të çerdheve të komunës sonë.
“Ndërkaq janë mbajtur më shumë se 50 përurime të botimeve të fundit, si dhe promovime e diskutime të autorëve më të njohur nga Gjilani, të autorëve Kosovarë, si dhe disa nga shkrimtarët, poetëve e veprimtarëve të të gjitha trojeve shqiptare. Pastaj, dy “Klubet e Leximit të Bibliotekës” kanë mbajtur takimet mujore në diskutim të librave të preferuar të tyre”, tha ai.
E vlenë të theksohet se nga qershori këtij viti ka filluar edhe zgjatja e orarit të punës nga ora 07:00 deri në ora 22:00 ku edhe duket një rritje e numrit të lexuesve gjatë orëve të mbrëmjes./GJILANI INFO/
