Edhe raporti i fundit nga Policia e Kosovës sjell njoftime për 5 raste të dhunës në familje që janë regjistruar në 24 orët e fundit në tërë tritorin e Kosovës.
Rastet kanë ndodhur në Prishtinë, Ferizaj, Pejë, Fhushë Kosovë dhe Podujevë.
Më gjërësisht për rastet mund të lexoni me sa vijon:
Prishtinë 25.08.2024-17:00. Viktima femër kosovare ka njoftuar se gjersa ishte tek hyrja e QKUK-së është sulmuar fizikisht nga bashkëshorti i saj i dyshuari mashkull kosovar. I dyshuari është arrestuar dhe pas intervistimit me vendim të prokurorit lirohet në procedurë të rregullt.
Ferizaj 25.08.2024-16:15.Viktima femër kosovare ka njoftuar se ishte sulmuar fizikisht nga bashkëshorti i saj i dyshuari mashkull kosovar. Njësitet e hetuesisë nga i dyshuari kanë konfiskuar një revole të llojit TT me 6 fishek të kalibrit 7.62mm. Me vendim të prokurorit i dyshuari dërgohet në mbajtje.
Pejë 25.08.2024 – 00:30. Është arrestuar i dyshuari mashkull kosovar pasi që, kishte ushtruar dhunë fizike ndaj bashkëshortes dhe djalit të tij viktimave kosovar/e. Viktimave i është ofruar tretman mjekësor. Me vendim të prokurorit i dyshuari është dërguar në mbajtje.
Fushë Kosovë 23.08.2024 – NN. Janë arrestuar një mashkull dhe një femër shtetas shqiptar -bashkëshort pasi që, pas një mosmarrëveshje kanë ofenduar dhe sulmuar fizikisht njëri tjetri. Me vendim të prokurorit pas intervistimit palët janë liruar dhe rasti shkon në procedurë të rregullt.
Podujevë 25.08.2024-11:45. Është arrestuar i dyshuari mashkull kosovar pasi që, i njëjti kishte sulmuar fizikisht dy viktimat kosovar/e nënën e tij dhe vëllain e tij. Pas intervistimit me vendim të prokurorit i dyshuari është dërguar në mbajtje. /GJILANI INFO/
