Qendra Kryesore e Mjekësisë Familjare në Viti (QKMF), në bashkëpunim me Qendrën e Shëndetit Publik nga Gjilani dhe DKA në Viti sot në qytetin e Vitisë është shënuar Dita Botërore e Hipertensionit.
Në bashkëpunim me DKA dhe menaxhmentin e Shkollës së Mesme “Jonuz Zejnullahu” në Viti dr.Gresë Sinani ka mbajtur ligjëratën para nxënësve”Hipertensioni arterial”, si dhe janë shpërndarë broshura për shëndetin. Poashtu, në shumicën e shkollave të Vitisë, arsimtsrët kanë mbajtur ligjëratë vetëdijësuese me nxënësit.
Gjithashtu, në ambientet e QKMF-së dhe hapësirat e ambientit infermierët kanë shpërndarë broshura për shëndetin për pacientët e rastit.
Sipas Dr.Artë Gashaj ky aktivitet ka për qëllim ngritjen e vetëdijes së qytetarëve për këtë sëmundje dhe parandalimin e tyre. Ajo tha se në QKMF-në e Vitisë, mund të trajtohen edhe pacientet të cilët kanë probleme me hipertension pasi që në këtë institucion shëndetësor punon internisti dhe Dhoma për Edukim dhe Promovim shëndetësorë.
Ajo shtoj se viteve të fundit ka rritje të personave që kanë hipertension, duke dhënë edhe këshilla se si mund të parandalohet apo trajtohet kjo sëmundje dhe se është me rëndësi që qytetarët të kenë aktivitete fizike të konsumojnë ushqime të shëndetshme dhe të ruhen nga stresi sepse këto janë edhe faktor që shkaktojnë këtë sëmundje./GJILANI INFO/
