Në shkollën fillore ‘Rexhep Elmazi’ në Gjilan, janë përuruar sot dollapët për nxënës, aktivitet ky ku ka marrë pjesë edhe kryetari i Komunës, Alban Hyseni, i cili ka thënë se në këtë projekt, që kap vlerën afër 172 mijë euro, përfshihen 24 shkolla.
‘Jemi në shkollën ‘Rexhep Elmazi”, ku pasi kemi ndërhyrë më parë në rregullimin e ndriçimit efiçinet, izolim, dyer e dritare, çati, në sistemin e ngrohjes, sikurse edhe në nyjat sanitare dhe hapësirat e brendshme, sot po fillojmë me projektin e vendosjes së dollapëve për nxënës”, ka thënë kryetari Hyseni.
Ai ka nënvizuar me këtë rast se në këtë projekt përfshihen 24 shkolla të fillore të komunës së Gjilanit, nga klasat 1-5, ku do të vendosen dollapët për nxënës, që ka qenë një premtim yni.
Për më tepër, kryetari Hyseni ka thënë se ky është një projekt shumë i rëndësishëm për shëndetin e nxënësve si dhe organizimin e punës në shkollat tona
“Vendosja e dollapëve në secilën klasë dhe në të gjitha shkollat, është një investim shumë i rëndësishëm për shëndetin e nxënësve, fillimisht, por edhe për organizimin më të mirë të punës në shkollat tona:, ka thënë kryetari Hyseni.
Ai ka falënderuar me ketë rast drejtoreshën e Arsimit, sikurse dhe drejtorin e kësaj shkolle, për angazhimin dhe kontributin që kanë dhënë në këtë projekt si dhe investimet e përgjithshme në shkollën ‘Rexhep Elmazi’.
Projekti i lehtëson nxënësit nga çantat e rënda./GJILANI INFO/
