Mbështetur në Statutin e Organizatës së Veteranëve të Luftës së Ushtrisë Çlirimtare të Kosovës dhe në dëshmitë e ish eprorëve të Zonës Operative të Karadakut sot është vendosur pllaka me mbishkrim “Shtëpia Bazë e UÇK-së”.
Në këtë event përveç nikoqirit kryetarit të KBI në Gjilan me bashkëpunëtorët e tij morën pjesë Komandanti i ish ZOK të UÇK-së Ahmet Isufi, Kryetari i OVL-UÇK dega në Gjilan, Xhevdet Mehmeti dhe bashkëveprimtarë të tjerë të asaj periudhe.
Në takimin e mbajtur sot gjithashtu u potencua edhe njëherë kontributi i theksuar i hoxhallarëve të asaj kohe për kombin dhe atdheun thuhet në njoftimin e Agim Hysenit./GJILANI INFO/
