Policia e Kosovës, në kuadër të luftës për parandalim dhe luftim e kontrabandës, të enjten (02.05.2024) rreth orës 17:20 në Gjilan, ka ndalur për kontroll një automjet me targa të Serbisë, në të cilin ka gjetur dhe konfiskuar 390 kg duhan kontrabandë.
Sipas policisë, identifikimi dhe ndalimi i këtij automjeti vjen pas bashkëpunimit mes zyrtarëve policorë të Drejtorisë për Hetimin e Trafikimit me Narkotik dhe Policisë Kufitare-Lindje.
Sipas Policisë, lidhur me rastin e lartcekur është njoftuar prokurori kujdestar, i cili ka urdhëruar që të iniciohet rast ‘kontrabandim me mallra, ndërsa malli i konfiskuar është dërguar në doganë për procedura të mëtutjeshme.
