Se Hotel Astoria në Gjilan ofron kushte dhe mundësi të shkëlqyera për organizime të ngjarjeve edhe të niveleve evropiane u dëshmua javën e kaluar përmes nikoqirllekut në Gala Mbrëmjen e organizuar nga Keshilli I Bizneseve prej Rajonit të Gjilanit.
Në këtë ngjarje me rëndësi të veqantë për Gjilanin dhe Anamoravën dhe gjithandej Kosovën, ku ishin të pranishe me qindra kompan nga ky rajon, kishte edhe shumë të ftuar special nga Evropa, e prej tyre edhe eurodeputeti, zoteri Lukas Mandl.
Hoteli Astoria, e dëshmuar për suksese ka pranuar çmimin si Kompania më e mirë në Rajonin e Gjilanit për vitin 2022, në kategorinë e Shërbimeve Hotelerie, Organizim Evenimentesh dhe SPA.
Ky çmim iu dorëzua nga eurodeputeti shumë i respektuar zotëri Lukas Mandl dhe Presidenti i Këshillit të Bizneseve të Rajonit të Gjilanit (GRBC), avokati dhe biznesmeni i mirënjohur zotëri Arsim Vranovci.
Pritja e mysafirëve në sallën madhështore të Astoria Luxury & Spa Hotel, ishte e ngrohtë dhe madhështore.
Dhe pas hapjës së kësaj ngjarje prej zonjës Delvina Vranovci nga kompania “Global Consulting & Development Associates” SH.P.K., zotëri, Arsim Vranovci, president i Këshillit, ka nisur me prezantimin e Këshillit të Bizneseve nga Rajoni i Gjilanit dhe ceremoninë e ndarjes së mirënjohjeve për kompanitë më të mira nga Anamorava për vitin 2022 dhe punëtorit më të mirë për vitin 2022.
Ngjarja pastaj ka vazhduar me ndarjen e një çmimi shumë të veçantë për eurodeputetin nga Austria, zotëri Lukas Mandl i cili edhe u zgjodh , – “Anëtar Nderi” i Bordit të Këshillit të Bizneseve të Rajonit të Gjilanit, çmim ky i cili iu është dhënë nga zotëri Vranovci.
Zotëri Mandl, pas pranimit të këtij çmimi, ka përshëndetur të pranishmit në ngjarje si dhe ka falënderuar zotëri Vranovcin për nderin dhe pritjen e tij të sa afërt po aq edhe të ngrohtë.
Ndërkaq, eurodeputeti austriak Mandel është shprehur i fascinuar edhe me ambientet Astoria Luxury & Spa Hotel, si dhe me mikpritjen e tyre shembullore.
Gjithashtu ka theksuar se është ndier i befasuar edhe me kulturen dhe mikëpritjen e njerëzve nga Gjilani.
Ai ka shprehur gatishmërinë për të ofruar ndihmë për qytetin e Gjilanit dhe Kosovën në përgjithësi drejt rrugës për integrim në Evropë.
Ngjarje në fjalë ishte shoqëruar me pika të ndryshme muzikore, të përgatitura enkas për këtë event./GJILANI INFO/
