Mjetet e tubuara nëpër xhamitë e Komunës së Gjilanit, 8960.42 €, ia ka dorëzuar familjes së Amela Nezirit, Këshilli i Bashkësisë Islame në Gjilan. Amela 6 vjeqeare është bija veteranit të UÇK së, Rifat Nezirit. Ajo vuan nga një sumundje e rëndë nga e cila mund të gjejë shërim vetëm jashtë vendit.
Kryetari i KBI në Gjilan, Naim Aliu, është shprehur i gëzuar që sado pak në bashkëpunim me imamët e xhamive të Komunës kanë arritur të kontribojnë për tubimin e një shume simbolike për shërimin e kësaj voglushe gjilanase, jashtë vendit.
Këshilli i Bashkësisë Islame në Gjilan nëpërmjet Shoqatës Bamirëse “Bereqeti” e cila funksionon në kuadër të Bashkësisë Islame të Kosovës ka ndihmuar dhe ndihmon vazhdimisht shtresa të ndryshme të qytetarëve në nevojë. /GJILANI INFO/
