Është mbajtur ceremonia vjetore e ndarjes së çmimeve të mirënjohjes publike për qytetarin më aktiv, zyrtarin e dalluar dhe mirënjohje post mortum.
Me çmimin qytetari më aktiv u shpallën organizata Aktivit të gruas pensioniste pranë OPIP dhe Ujmir Krasniqin.
Çmimi zyrtar i dalluar komunal i’u nda zyrtarit nga njësia e kuvendit Mejdi Rexhepit.
Ndërsa mirënjohjet post mortum i’u ndan të ndjerave Drita Bajrami Kajtazit dhe Ismete Kurtalanit.
Kryetari i Gjilanit, Alban Hyseni, tha se është kënaqësi dhe nder i veçantë që sot po ndahen mirënjohje publike për të vlerësuar ata që kanë shkëlqyer me punën dhe përkushtimin e tyre gjatë këtij viti.
Sipas tij këto mirënjohje janë një akt simbolikë, karshi punës së madhe të tyre që kanë bërë, por që kjo tregon se shprehim respekt për kontributin dhe angazhimet e tyre.
I pari i komunës falënderoi edhe USAID-in, të cilët po monitorojnë këtë proces në kuadër të Kontratës Sociale.
Ai tregoi se Komuna e Gjilanit, është njëra prej nismëtareve të projektit Buxhetimi me Pjesëmarrje në nivel të Kosovës, lidhur me përfshirjen e qytetarëve në vendimmarrje dhe planifikim.
Kryetari Hyseni, uroi fituesit e mirënjohjeve.
Zyrtarja nga USAID-i, Fortuna Haxhikadrija, përgëzoi Komunën e Gjilanit për realizimin e këtij aktiviteti, ku USAID-i sivjet është vetëm monitorues.
Derisa ajo ka inkurajuar komunën që këtë aktivitet ta bëjë tradicional.
Kryetari Alban Hyseni, bashkë me nënkryetaren Leonora Morina Bunjakun kanë ndarë mirënjohjet.
Komisioni vlerësues për ndarjen e mirënjohjeve publike, ka bërë përpjekje maksimale për të qenë sa më të drejtë, transparent dhe të paanshëm duke synuar që të vlerësohen meritat dhe kontributi i secilit.
Sot, çmimet “Zyrtari i Dalluar” dhe “Qytetari më Aktiv” nderojnë jo vetëm arritjet individuale, por edhe frymëzimin që këta individë sjellin për të gjithë ne.
Këta janë shembuj të ndershmërisë përkushtimit dhe dashurisë për komunitetin tonë. Për këtë u jemi mirënjohës. Përgëzime fituesve dhe faleminderit për angazhimin tuaj të palodhshëm.
Me çmimin “Qytetari më Aktiv” u shpallën organizata “Aktivit të gruas pensioniste pranë OPIP dhe Ujmir Krasniqin.
Aktiviteti i gruas pensioniste pranë OPIP me aktivitetin e tyre kanë kontribuar jashtëzakonisht shumë në përmirësimin e jetës së grave të moshës së tretë ku kanë treguar përkushtim të veçantë në angazhimin e tyre për të ndihmuar gratë e moshuara të ndihen të mbështetura dhe më të përfshira në shoqëri.
Çmimi për angazhim qytetar gjithashtu i ndahet qytetarit aktiv Ujmir Krasniqi, i cili ka treguar përkushtim të veçantë për përfshirjen dhe fuqizimin e të rinjve në aktivitete për barazi gjinore, duke krijuar hapësira për rritje dhe zhvillim në vazhdimësi.
Çmimi zyrtar i dalluar komunal i ndahet zyrtarit nga njësia e kuvendit Mejdi Rexhepi, i cili ka dëshmuar profesionalizëm dhe përkushtim të jashtëzakonshëm në përmbushjen e objektivave të punës duke qenë një model i shërbyesit civil, ku me angazhimin e tij të pandërprerë, ka kontribuar në përmirësimin e jetës së qytetarëve dhe forcimin e institucioneve tona. Për këtë e falënderojmë dhe në shenjë respekti ndajmë një mirënjohje.
Në këtë ditë të veçantë dëshirojmë të kujtojmë dhe ti nderojmë koleget tona të dashura të cilat kanë dhënë kontribut të jashtëzakonshëm gjatë vitit 2024, por që fatkeqësisht nuk janë më në mesin tonë.
Me përkushtim dhe ndershmërinë e tyre ato lanë një trashëgimi të çmuar në shërbim të institucioneve dhe komunitetit tonë. Vepra dhe shembulli i tyre do të mbeten gjithmonë një udhërrëfyes për të gjithë ne duke na frymëzuar të vazhdojmë me të njëjtin përkushtim dhe përgjegjësi.
Në shenjë mirënjohje dhe respekti sot u ndajmë mirënjohje post mortum si një vlerësim modest për gjithçka që ato kanë dhënë për shoqërinë tonë.
Mirënjohjet post mortum i’u ndan të ndjerës Drita Bajrami Kajtazi dhe të ndjerës Ismete Kurtalani./GJILANI INFO/
