Kryetar i Aleancës për Ardhmërinë e Kosovës (AAK), dega në Gjilan, Nazim Gagica ka thënë se është obligim i yni të kujdesemi dhe ta mbrojmë familjen.
” Çdo përpjekje e kujtdo qoftë për me dëmtu familjen, sigurisht që do të përballet me reagim qytetar e politik që e duan Kosovën dhe të ardhmen tonë të shëndosh”, ka thënë në reagimin e tij, Gagica.
Ai ka ftuar institucionet komunale, veçmas kryetarin e Komunës së Gjilanit për ta ndaluar përdorimin e Doracakut “Edukimi Seksual dhe Riprodhues” për nivelet 1-5, 6-9, dhe 10-12, i cili u prezentua me 10 tetor 2023, në Javën e promovimit të shëndetit në shkolla, me temën “Edukimi seksual gjithëpërfshirës në shkolla”, organizuar nga MASHTI”.
Sipas tij, Komuna e Gjilanit duhet të reflektoj njëjtë sikur komunat tjera që tanimë hapur janë deklaruar se nuk do të punojnë me këtë doracak.
“Bashkë të reflektojmë në interes të qytetarëve dhe të familjes”, është shprehur, Nazim Gagica, kryetar i AAK-së, Dega në Gjilan./GJILANI INFO/
