Skender Zogaj
(Nipit n’Amerikë, që sot u bë 9 vjeç)
Ç’prejse u linde nipçe
Yjet më mirë rrezojnë
Më t’bukura çelin lulet
Më ëmbël zogjt këndojnë.
Babi të pagëzoi Art –
Që t’ishe vlerë artistike,
Për zemrën e gjyshërve
Dhuratë e bukur jetike!
Në ditëlindjet tua prore –
Ti rritesh,unë bëhem plak
Me mallin për ty orteg,
Që zemrën ma djeg flakë!
Sot u bëre Nëntë vjeç
U rrite po bëhesh burrë –
Larg detesh je por Kosovën
Art, mos e harro kurrë!
