“Nxënësja e klasës së gjashtë, Vesa Xhymshiti ka përfaqësuar denjësisht në Olimpiadën “NEO SCIENCE OLYMPIAD”, mbajtur në New York nga data 6 deri më 12 qershor”, ka thënë Albana Demiri, drejtoreshë e Drejtorisë Komunale të Arsimit (DKA), në Gjilan.
Sipas saj, Vesa u shqua për suksesi të jashtëzakonshëm, ku pjesëmarrja e saj u shënua me triumfin e vendit të parë, në kategorinë “Best of the Best” në matematikë.
Drejtoresha e Arsimit thekson faktin se kjo është një arritje e shkëlqyer që dëshmon për aftësitë e saj të larta dhe përkushtimin ndaj shkencës.
“Vesa u nderua me medaljen e argjendtë në fushën e shkencës, e cila tregon përpjekjet dhe angazhimin e saj të vazhdueshëm në studimin dhe aplikimin e dijeve shkencore. Ajo është një shembull frymëzimi, duke demonstruar se me punë dhe përkushtim, ëndrrat mund të bëhen realitet”, ka thënë drejtoresha Demiri./GJILANI INFO/
