Minna Fashion është kompani e mirënjohur në industrinë e dizajnit të veshjeve.
Në vitin 2006, kur edhe është themeluar, nis veprimtarin ë biznesore në një dyqan të vogël në qytetin e Gjilanit. Dhe që në fillim të veprimtarisë, ka synuar për të përmbushur kërkesat e klienteve.
Minna Fashion kishte një hapësirë të re prodhimi, në vitin 2010, me 120 m 2, kurse në vitin 2016 ka hapur lokalin e ri në zemër të kryeqytetit të Kosovës, në Prishtinë, me një hapësirë prej 400 m2, dhe me një ekip prej 20 agjentësh të shitjes.
Ndërkaq, popullariteti i dizajneve unike bëri që klientët të përhapin fjalën në rrjete sociale dhe Minna Fashion fillon menjëherë me shitjen dhe dërgimin e porosive edhe në tregun botëror.
Në vitin 2021 vazhdoi me hapjen e një hapësire të re të prodhimit prej 900 m 2 me më shumë se 120 punonjës, kurse në vitin 2022, Minna Fashion ka hapur një shouroom ekskluziv prej 3000 m 2 .
E, sot, është aktere kryesore dhe lidere në industrinë e dizajnit të veshjeve, ku bën shitjen e fustaneve të cilësisë së lartë në më shumë se 100 shtete të botës.
Së fundi, në ngjarjen e organizuar nga Këshilli i Bizneseve të Rajonit të Gjilanit, në krye me avokatin dhe biznesmenin e mirënjohur zotëri, Arsim Vranovci, Minna Fashion pranoi çmimin si Kompania më e mirë në Rajonin e Gjilanit për vitin 2022.
Ky çmim vjen si rezultat i arritjeve të mëdha në Fashion Dizajn, kurse iu nda nga eurodeputeti shumë i respektuar zotëri Lukas Mandl dhe Presidenti i GRBC-së, avokati dhe biznesmeni i mirënjohur zotëri Arsim Vranovci.
Çmimi u pasua nga një moment shumë i veçantë ku Minna Fashion Show, në skenën madhështore të përgatitur nga Astoria Luxury & Spa Hotel dhe GRBC, prezantoi për rreth 45 minuta koleksionin Pranverë-Verë 2023.
Në këtë prezantim spikatën veshjet dhe fustanet ekstravagante të përgatitura nga Minna Fashion.
Minna Fashion shprehën mirënjohjet e tyre të përzemërta për organizimin e këtij eventi, dhe u ndanë shumë të kënaqur me prezantimet e artit të tyre.
Pra, edhe një herë shfaqën profesionalitetin e tyre dhe u treguan shumë entuziastë për punën e tyre dhe zgjerimin e biznesit në nivel ndërkombëtar.
Në këtë ngjarje morën pjesë fytyra të njohura nga Evropa, veçanërisht nga Austria në krye me eurodeputetin zotëri, Lukas Mandl, ku edhe ata u fascinuan me prezantimin e Minna Fashion.
E vlenë të theksohet se në vitin 2023, nga Minna Fashion, do të mbahet Fashion Show në Vienë të Austrisë, /GJILANI INFO/
