Komuna e Gjilanit, ka shënuar 27-vjetorin e çlirimit të Gjilanit. me një sërë aktivitetesh kulturore, sportive dhe përkujtimore të cilat përfunduan mbrëmjen e së hënës.
Kryetari i Komunës së Gjilanit, Alban Hyseni, tha se në 27-vjetorin e çlirimit, me nderim dhe mirënjohje kujtojmë një nga ditët më të rëndësishme të historisë së qytetit tonë.
Sipas tij kjo është dita kur përulemi me respekt para dëshmorëve, martirëve, veteranëve, invalidëve të luftës dhe të gjithë atyre që sakrifikuan për lirinë që e gëzojmë sot.
I pari i Gjilanit ka uruar nga zemra të gjithë qytetarët për Ditën e Çlirimit të qytetit tonë.
“Qoftë kjo ditë gjithmonë kujtesë për sakrificën, krenarinë dhe obligimin tonë që ta duam, ta zhvillojmë dhe ta forcojmë Gjilanin çdo ditë edhe më shumë. Lavdi të përhershme dëshmorëve të kombit”, tha kryetari Alban Hyseni.
Aktivitetet kanë filluar me ndeshjen e futbollit mes veteranëve të Fc Drita dhe SC Gjilan me 12 qershor, derisa kanë vazhduar me festivalin “Gjilani Fest 2026” me 13,14 dhe 15 qershor..
Kryesuesja e Kuvendit të Komunës së Gjilanit Krenare Latifi Kqiku dhe drejtori për Kulturë, Rini dhe Sport, Kushtrim Zeqiri, kanë pritë përfaqësuesit e ansambleve që performuan për tre netë në sheshin “Agim Ramadani”.
Derisa me 15 qershor janë bërë homazhe tek Kompleksi i Varrezave të Dëshmorëve. duke u përulur para kujtimit të atyre që dhanë jetën për liri.
Më pas në sallën e Kuvendit të Komunës u mbajt seanca solemne për nder të kësaj dite.
Aktivitet janë mbyllur me ekspozitën “Çelnaja e një kohe”, e cila përmban letra nga burgu, vizatime, poezi dhe dokumente nga ish të burgosurit politik./Gjilani INFO/
