Aktivitetet për nder të Ditës së Çlirimit të Gjilanit-15 qershorit, kanë vazhduar me ato sportive, nën përkujdesjen e kryetarit të Komunës së Gjilanit.
Ndeshje miqësore janë zhvilluar ndërmjet veteranëve e legjendave të futbollit të qytetit të Gjilanit që kanë mbrojtur me suksese e krenari fanelat e dy klubeve të qytetit Gjilani e Drita. Në këtë ngjarje sportive pjesëmarrëse ishte edhe ekipi i veteranëve të KFV Kumanova.
Kryetari Alban Hyseni, tha se aktivitetet për nder të Ditës së Çlirimit të Gjilanit, vazhduan me një ndeshje miqësore plot emocion dhe respekt.
“Veteranët dhe legjendat e futbollit të qytetit – ata që me krenari e sukses kanë mbrojtur fanellat e dy klubeve tona, SC Gjilani dhe FC Drita, u rikthyen në fushë për të nderuar këtë ditë të madhe”, tha Hyseni.
I pari i Komunës së Gjilanit, tregoi se në këtë ngjarje sportive mori pjesë edhe ekipi i veteranëve të KF Kumanova, duke forcuar lidhjet miqësore përtej kufijve dhe nderuar frymën e bashkimit përmes sportit./GJILANI INFO/
