Sot, në seancën e jashtëzakonshme të Kuvendit të Komunës së Gjilanit, u miratua unanimisht buxheti komunal për vitin 2026, në vlerë prej 41.928.924 €.
LDK-ja e |Gjilanit ka bërë me dije se ka dorëzuar 18 projekte komunitare, ndërsa përkrahje për zbatim në buxhet kanë gjetur disa projekte konkrete dhe të nevojshme për qytetarët që, ky subjekt i ka listuar në një deklaratë publike.
“Falënderojmë të gjithë asamblistët e LDK-së Gjilan për angazhimin dhe bashkëpunimin e treguar, si dhe kolegët nga subjektet e tjera politike për korrektësinë në këtë proces. LDK Gjilan do të vazhdojë të jetë zë i qytetarëve dhe partner serioz në çdo vendimmarrje që ka për synim zhvillimin e barabartë dhe mirëqenien e komunës sonë”, thuhet në deklaratën e Degës së LDK-së në Gjilan, që ëpo e japim të plotë si më poshtë.
Miratohet Buxheti i Komunës për vitin 2026
Të dashur qytetarë,
Sot, në seancën e jashtëzakonshme të Kuvendit të Komunës së Gjilanit, u miratua unanimisht buxheti komunal për vitin 2026, në vlerë prej 41.928.924 €.
Kjo javë ka qenë intensive për Kuvendin Komunal, me dy seanca të rëndësishme brenda tri ditësh, ku asamblistët e LDK-së kanë dhënë një kontribut serioz dhe të përgjegjshëm në procesin e planifikimit buxhetor.
Në emër të LDK-së, u prezantuan qëndrimet tona lidhur me buxhetin, duke theksuar se vetëm 16,34% e buxhetit të përgjithshëm është e dedikuar për investime kapitale, një përqindje që kërkon reflektim dhe angazhim më të madh në të ardhmen.
LDK Gjilan ka dorëzuar 18 projekte komunitare, ndërsa përkrahje për zbatim në buxhet kanë gjetur këto projekte konkrete dhe të nevojshme për qytetarët:
Projektet e miratuara në buxhet:
• Rregullimi i pjerrinave të trotuareve në qendër të qytetit – 50.000 €
• Riasfaltimi i rrugës “Islam Islami” dhe ndërtimi i trotuarit në Livoqin e Ultë – 63.000 €
• Rikonstruktimi i urës për këmbësorë në Livoqin e Ultë – 30.000 €
• Rikonstruktimi i urës në fshatin Llashticë – 40.000 €
• Rikonstruktimi i urës në fshatin Lladovë – 40.000 €
• Rregullimi i shtëpisë muze të dëshmorit “Pajazit Ahmeti – Paja”
• Nivelizimi i pagave për zjarrfikësit
Projekte që do të shqyrtohen nga mjetet e bartura:
• Investimi në parkun e lagjes Arbëria
• Blerja e një veture për ofrimin e shërbimeve mjekësore nga QKMF
• Ridestinimin e projekteve në vlerë 300.000 € për Zhegër
• Asfaltimin e rrugës në fshatin Stanqiq
Falënderojmë të gjithë asamblistët e LDK-së Gjilan për angazhimin dhe bashkëpunimin e treguar, si dhe kolegët nga subjektet e tjera politike për korrektësinë në këtë proces.
LDK Gjilan do të vazhdojë të jetë zë i qytetarëve dhe partner serioz në çdo vendimmarrje që ka për synim zhvillimin e barabartë dhe mirëqenien e komunës sonë./Gjilani INFO/
