Është mbajtur sot mbledhja e pestë e rregullt e Komitetit për Politikë dhe Financa e kësaj legjislature të Kuvendit Komunal të Kamenicës.
Mbledhjen e ka hapur kryesuesja e Kuvendit Komunal, Arbnore Beqiraj-Fera, e cila para anëtarëve prezantoi rendin e ditës për shqyrtim dhe miratim.
Në kuadër të mbledhjes janë trajtuar këto pika:
Shqyrtimi dhe miratimi i procesverbalit nga mbledhja e katërt e Komitetit për Politikë dhe Financa;
Propozim-vendimi për dhënien në shfrytëzim afatshkurtër të pronës së Komunës;
Draft-Plani për Riintegrimin e Qëndrueshëm të Personave të Riatdhesuar dhe Integrimin e të Huajve në Komunën e Kamenicës për periudhën 2026-2028;
Të ndryshme.
Të gjitha pikat e rendit të ditës janë miratuar me vota unanime nga anëtarët e komitetit./Gjilani INFO/
