Është mbajtur marshi me moton “Zbulimi i hershëm-mbijetesë”, në kuadër të “Muajit të ndërgjegjësimit për kancerin e gjirit”.
Në këtë marsh kanë marr pjesë Kryetari i Komunës, Kadri Rahimaj, ish-Presidentja e Republikës së Kosovës, Atifete Jahjaga, Drejtoresha e Shëndetësisë dhe Mirëqenies Sociale, Eurona Hoda, Drejtori i QKMF-së, Latif Sylaj, përfaqësues nga Ambasada Japoneze, dhe qytetarë të Kamenicës.
I pari i komunës duke falënderuar pjesëmarrësit që iu kanë bashkuar këtij marshi ka thënë se kontrollat e vazhdueshme janë shumë të rëndësishme për këtë sëmundje.
“Ne inkurajojmë që të bëhen kontrolle të vazhdueshme pasi që zbulimi i hershëm është mbijetesë. Po ashtu këtë muaj kontrollat mamografike janë falas, kjo edhe një arsye më shumë që të mos e anshkaloni këtë sëmundje”, ka thënë ai.
Ndërsa ish- Presidentja e Republikës së Kosovës, Atifete Jahjaga, tha se Kamenica është zgjedhur komunë përfituese e mamografit. andaj sipas saj është e rëndësishme që të mos anashkalohen këto kontrolle.
Po ashtu sot është mbajtur edhe një takim me pacientët dhe personelin mjekësorë në Qendrën Kryesore të Mjekësisë Familjare (QKMF) në Kamenicë lidhur me rëndësinë e kontrollave mamografike./GJILANI INFO/
