Nën përkujdesjen e kryetarit të Komunës së Gjilanit Alban Hysenit dhe Shoqatës Kulturore “Ditët e Agimit” në Zhegër, kanë nisur aktivitetet e manifestimit tradicional kulturor “Ditët e Agimit 2026”.
Aktivitet filluan me turneun në futboll të vogël “Edhe me sport e kujtojmë Agimin”.
Derisa mbrëmjen e 1 majit ndizen “Flakadanët e Lirisë”, kushtuar 114 dëshmorëve të rënë në betejën heroike të Koshares në orën 19.30.
Ndërsa në orën 20:00 mbahet finalja e madhe “Edhe me sport e kujtojmë Agimin”.
Kryetari i Komunës Alban Hyseni, ka ftuar qytetarët që me krenari të bëhen pjesë e manifestimit tradicional kulturor “Ditët e Agimit 2026″.
Sipas tij aktivitet e nisura nga data 23 prill vazhdojnë deri më 10 maj.
“Zhegra dhe Gjilani, do të frymojnë me aktivitete që nderojnë jetën dhe veprën e heroit tonë, Agim Ramadani. Le të mblidhemi për të kujtuar sakrificën për liri dhe për të lartësuar vlerat tona kombëtare përmes sportit, artit e muzikës”, tha kryetari Alban Hyseni.
Nga 1 maji manifestimi vazhdon me aktivitete tjera deri më 4 maj me ngjarje të shumta, përfshirë turneun tradicional në “Snooker” me 1,2,3 maj.
Pastaj një garë ndërkombëtare në karate më 3 maj, si dhe memorialin tradicional të peshkatarisë më 10 maj të organizuar nga SHPSR “Cormoran” në Gjilan në orën 08:00.
Më 2 maj në orën 14:00, mbahet aktiviteti poetik “Muza e Agimit”, ku poetë nga trojet shqiptare do të sjellin vargje kushtuar heroit Agim Ramadani, duke përforcuar dimensionin kulturor të këtij manifestimi.
Ndërsa me 3 maj, shënohet “Ditën e Shkollës” dhe ditëlindja e Agim Ramadanit.
Derisa në orë 16:00, mbahet tubimi qendror – ” I këndojmë Agimit”.
