Kryetari i Komunës së Gjilanit, Alban Hyseni, ka vizituar shërbimin e mamografisë në Qendrën Kryesore të Mjekësisë Familjare, ku ka parë nga afër edhe pajisjen moderne të mamografisë dhe punën që bëhet aty.
Kryetari, Alban Hyseni, tha se gjatë vizitës në QKMF-ë ka parë nga afër edhe pajisjen moderne të mamografisë. Një investim prej 160 mijë eurove, që deri tani ka mundësuar mbi 2 mijë e 300 shërbime falas për qytetarët tanë.
“Mamografia është falas për të gjithë qytetarët tanë”, tha Alban Hyseni.
I pari i Gjilanit, tregoi se janë 100+ raste të dyshimta të diagnostikuara me kohë, 11 raste të identifikuara edhe te gjinia mashkullore.
Sipas tij, kanë pajisjen më moderne në Kosovë.
“Jetë të shpëtuara përmes një ekzaminimi që zgjat vetëm 5 minuta. Terminet mund të merren në QKMF ose përmes numrit të publikuar. Bëje kontrollin, vizitohu, sepse shëndeti yt është prioritet”, tha kryetari Alban Hyseni./GJILANI INFO/
