Skender Zogaj
(Presidentit Rugova)
Fort më ka marr malli me të pa
Ngryk me të marr e me të thënë:
– Ç ’prejse u largove prej nesh
Poshtë ka ra katundi
Toka po na rrëshqet nën këmbë
Dielli po qan, e qielli i shqyer
Po na ngushtohet mbi krye.
Ti ike dhe ne e harruam Zotin!
Me dhëmbë shoqi-shojnë po e kafshojmë
Po na tepron liria e ëndrrueme
Si cjapi po shkojmë te kasapi
Oooo Mesi –
Të stolisur me ehuj të zi
Po vallëzojnë zgjymët e vilajetit
Rrethe rrotull sarajeve të mbretit
Ulërijmë e byryten si të trentë
U kanë hipur në shpinë ujqërve
E po i ndjellim qentë
As dreqi se merr vesh çka duam
Ku jemi e ku po shkojmë…
O shpirti i shenjtë i Dardanisë
Mos na harro –
Atje ku je, lutu për ne! /GJILANI INFO/
