Kryetari i Degës së LDK-së në Gjilan, njëherësh nënkryetar në nivel qendror dhe deputet në Kuvendin e Republikës, z. Lutfi Haziri, i ka dërguar telegram ngushëllimi familjes Kryeziu, me rastin e ndarjes nga jeta të vajzës së tyre, Greta Kryeziu.
“E dashura familje Kryeziu,
Me dhimbje të thellë mora lajmin për ndarjen nga jeta të vajzës suaj të dashur Greta Kryeziu.
Fjalët janë të pamjaftueshme për të shprehur trishtimin qe ndjejmë për këtë humbje te parakohshme dhe te rëndë.
Ikja e saj e parakohshme ka lënë një boshllëk të madh, jo vetëm në familjen tuaj, por edhe në komunitetin te cilit ajo i shërbeu me përkushtim, profesionalizëm dhe humanizëm.
Ju shpreh ngushëllimet më të sinqerta dhe lutem që Zoti t’ju japë forcë dhe durim në këtë moment të vështirë.
Kujtimi i saj i bukur dhe i pastër do të jetojë përgjithmonë në zemrat e atyre që e deshën.”/GJILANI INFO/
