Banorët e Brezit Kufitar nga Karaceva e Kamenicës, nuk ndihen të sigurtë tash e më tepër se dy dekada, ngase forcat policore dhe ushtarake serbe, që nga viti 2001 e këndej, provokojnë popullatën e këtushme, duke u futur here pas here brenda teritorit të Kosovës, tha Selver Lenjani, aktualisht kryetar i Këshillit të Fshatit në Karacevën e Poshtme.
‘’Gjendjen e sigurisë në këtë pjesë të brezit kufitar, nuk e kemi të mire, ngase forcat policore e ushtarake serbe here pas here, futen 500 metra brenda teritorit të Kosovës, pa KFOR-in dhe Policinë e Kosovës, duke ngjallur kështu frikën për banorët e kësaj ane”, thotë Selver Lenjani, i cili vazhdimisht ka ngritur shqetësime edhe tek autoritetet e vendit dhe ato ndërkombëtare.
Ai thotë se popullata e këtushme do të ndihej e sigurtë, sikur t’I kishte të pranishme vazhdimisht KFOR-in dhe Policinë e Kosovës.
Sipas tij, me këtë cështje duhet të merren autoritetet vendore dhe Brukseli zyrtar.
Lenjani shprehet I zhgënjyer me gjithë kryeministrat që sipas tij nuk kanë bërë punën e duhur për zgjidhjen e këtij problem.
“ Kemi pas premtime prej tyre vetëm derisa ishin në opozitë, kurse me ardhjen në pushtet, përkatësisht në postet e kryeministrave, asnjëri nuk është marrë me problemin që ne banorët e brezit kufitar kemi”, shprehet Lenjani.
Ai tërheq vëmendjen kah problem në failë, duke theksuar se atje, afër vijës kufitare Kosovë-Serbi, jetojnë jo më pak se 3 mijë e 200 banorë.
Sipas tij, kjo pjesë e Kosovës duhet të ruhet dhe të vëhet në rend dite që të zgjidhet ky problem njëherë e përgjithmonë, sepse është e jona.
