Gjatë ditës së djeshme drejtoria e Shërbimeve Publike dhe Emergjencë (DSHPE), ka vazhduar aksionin për eliminimin e deponive ilegale në fshatra. Sipas Basri Aliut, drejtor i DSHPE-së, aksioni i largimit të deponive ilegale dje është zhvilluar në katër lokalitete të komunës së Vitisë, konkretisht në fshatrat: Sllatinë të Poshtme, Pozheran Beguncë, Remnik.
Ai tha se komuna e Vitisë, mbetet e angazhuar që me përkushtim të lartë për një mjedis të pastër dhe të shëndetshëm për të gjithë. Drejtori Aliu ju bëri thirrje qytetarëve që të mos hedhin mbeturina në vendet ku nuk janë të paraparë dhe të ruajnë mjedisin.
Gjithashtu ai potencoi se do të bashkëpunoj me Policinë e Kosovës, qytetarët dhe inspekcionin që të bëhet identifikimi i ndotësve me qëllim që zhvillohen procedura ndaj shkelësve të ligjit. Përndryshe në disa nga këto deponi ilegale kishte edhe mbeturina të ngurta.
Largimi i deponive ilegale u bë në këto lokalitete: Sllatinë e Poshtme në afërsi të shkollës, Beguncë në vendin e quajtur “Zharri”, Pozheran afët lagjës “Zuka” dhe Remnik në vendin e quajtur “Prisoja”./Gjilani Info/
