Mbledhjen e hapi kryesuesi i Kuvendit Liridon Kastrati, ndërsa në mbledhje të pranishëm ishin: Kryetari i Komunës, Kadri Rahimaj, nënkryetari Faton Jakupi, delegatët, disa nga drejtorët e drejtorive, OJQ, dhe të tjerë.
Në rend ditë për miratim ishin këto pika:
1. Shqyrtimi dhe aprovimi i procesverbalit, nga mbledhja e II-të e Kuvendit Komunal për vitin 2025.
2. Pyetje legjislativit drejtuar ekzekutivit.
3. Shqyrtimi dhe aprovimi i Planit Ndërkomunal për Menaxhimin e Integruar të Mbeturinave për rajonin e Gjilanit dhe Ferizajit.
4. Shqyrtimi dhe aprovimi i VSM e Planeve Ndërkomunale për menaxhimin e Integruar të Mbeturinave për Komunat e Gjilanit, Kamenicës, Vitisë, Novobërdës, Ferizaj, Kaqnik, Shtime, Han i Elezit, Shtërpcë-Kosovë.
5. Propozim-Vendim për caktimin e lokacionit për vendosjen e trafos elektrike.
6. Shqyrtimi dhe aprovimi i Draft-Rregullores për plotësimin dhe ndryshimin e rregullores Sh.01 Nr.31251 e datës 29.09.2022, për kushtet, kriteret dhe procedurën e ndarjes së subvencioneve.
7. Shqyrtimi dhe aprovimi i Planit Lokal të Veprimit në Mjedis 2024-2028.
8. Shqyrtimi i Raportit periodic për zbatimin e rekomandimeve të dhëna në Raportin e Auditimit nga Zyra Kombëtare e Auditimit.
9.Të ndryshme.
Pasi hapjes së mbledhjes nga Kryesuesi i Kuvendit u propozua që pika e 7. Shqyrtimi dhe aprovimi i Planit Lokal të Veprimit në Mjedis 2024-2028, të shtyhet për mbledhjen e ardhshme, ndërsa u propozua që në rend dite të hyjë edhe pika:
10. Propozim-vendim për formimin e Komisionit për shqyrtimin e propozimeve për ndarjen e Titujve të Nderit, Çmimeve, Mirënjohjeve dhe Shpërblimeve të tjera.
Pas plotësim ndryshimit të rendit të ditës të gjitha pikat u shqyrtuan dhe miratuan me shumicë votash./GJILANI INFO/
