Kreu i Komunës së Kamenicës, Kadri Rahimaj vazhdon të mbetet i shqetësuar përball situates së krijuar nga pasojat e përhapjës së flakës së zjarrit.
Sipas tij, ekipet e zjarrfikësve, edhe në orët e vona të natës, po punojnë vazhdimisht për të lokalizuar dhe shuar zjarret, të cilat po përfshijnë sipërfaqe gjithnjë e më të mëdha. E, që shumë prej këtyre zonave janë tepër të vështira për t’u arritur me mjetet të punës.
“Pavarësisht lodhjes dhe faktit që nuk kanë pasur asnjë ditë pushimi, zjarrfikësit po japin maksimumin për të mbrojtur jetën, pronën dhe mjedisin”, ka thënë ai.
Kryetari Rahimaj, njofton se Qendra e Zjarrfikësve është në koordinim të plotë me Agjencinë për Menaxhim Emergjent, si dhe me ekipet profesionale të KFOR-it, për të garantuar ndërhyrje sa më efikase në çdo vatër zjarri.
Ndërkaq ka apeluar për të gjithë qytetarët që të tregojnë kujdes maksimal në ambiente të hapura natyrre dhe që t’u shmangen veprimeve që mund të shkaktojnë zjarre.
Po ashtu, ua kujtojton pronarëve të pronave private se ndezja e zjarreve është e ndaluar me ligj sepse veprimet e tilla paraqesin rrezik serioz për jetën e njerëzve dhe mjedisit jetësor./GJILANI INFO/
