Kryetari, Kadri Rahimaj ka pritur sot disa deputetët nga vende të ndryshme europiane në kuadër të konferencës “E ardhmja e transportit” nën organizimin e Komisionit Parlamentar për Mjedis, Ushqim, Bujqësi, Planifikim dhe Zhvillim, e cila për destinacion kishte Kamenicën.
Deputetë nga Gjermania, Portugalia, Turqia, BeH, Maqedonia e Veriut, Mali i Zi , Kosova, si dhe studentë nga Lowa kanë ardhur në Kamenicë për të njohur më shumë qytetin më të gjelbër në Kosovë.
“Biseduam dhe shkëmbyem përvoja mbi mobilitetin urban të qëndrueshëm dhe jo vetëm, duke përfshirë diskutime për hapësirat publike, energjinë efiçiente, trajtimin e rrugëve e trotuareve si masë stimuluese për transport alternativ, e ndërtimin e shtigjeve për biçikleta”, ka thënë kryetari Rahimaj
Rahimj gjithashtu ka thënë se kanë prezantuar vizionin dhe planet për qytetin si dhe disa nga punët aktuale me të cilat po merret komuna e Kamenicës.
Sipas tij vizita të karakterit të tillë, po ndodhin për herë të parë në Kamenicë, bisedat gjatë së cilës kanë ngjallur interes e ide për bashkëpunim dhe mundësi binjakëzimi me qytete evropiane në të ardhmen./GJILANI INFO/
