Në mbledhjen e rregullt të Bordit të Agjencisë për Zhvillim Rajonal Lindje të organizuar në bashkëpunim me Ministrinë e Zhvillimit Rajonal, kryetari i Gjilanit, Alban Hyseni, me votë unanime u zgjodh kryesues i Bordit të AZHR-Lindje.
“Falënderoj kolegët kryetarë të komunave të rajonit Lindje dhe zotohem për thellimin e bashkëpunimit ndërkomunal, gjithmonë në të mirën e përbashkët të qytetarëve të komunave që përfaqësojmë. Bashkë, për zhvillimin rajonal!”, ka thënë kryetari Hyseni.
Bordi, po ashtu, miratoi raportin e punës të Agjencisë për vitin paraprak, derisa konkludim i këtij takimi ishte se AZHR-Lindje është mekanizëm i cili ka impakt të drejtpërdrejt në bashkëpunimin ndërkomunal dhe në zhvillimin rajonal.
Kryetarët e Komunave u zotuan se do të jenë aktivë dhe mbështetës në kuadër të AZHR-Lindje, sepse kështu është një lidhje direkte mes orientimit të fondeve qeveritare por edhe bashkëpunimin me donatorë dhe investitorë të fondeve ndërkombëtare./GJILANI INFO/
