Kryetari i Komunës së Gjilanit, Alban Hyseni së bashku me kryesuesin e Kuvendit Komunal, Arianit Sadiku dhe bashkëpunëtorë, kanë mirëpritur në një takim vëllazëror kryetarin e Komunës së Bujanocit, Nagip Arifi, kryetarin e Këshillit Kombëtar Ragmi Mustafi, nënkryetarin e komunës Shqiprim Musliu, kryesuesin e Kuvendit, Enver Ramadani dhe shefin e kabinetit, Sali Salihi, me të cilët kanë diskutuar për procesin e regjistrimit civil i cili fillon me 1 tetor.
Ata kanë bashkërenduar aktivitetet dhe format e ndihmës dhe kontributit që mundet të i jepi Komuna e Gjilanit, me qëllim që muaji Tetor të pritet me përgatitjet finale organizative dhe procesi i regjistrimit të popullsisë së Luginës të shkojë sa më mirë, e numri i të regjistruarve nga kjo trevë të jetë sa më i madh.
Kryetari Hyseni iu ka bërë thirrje të gjithë shqiptarëve që jetojnë në Bujanoc, Preshevë e Medvegje që të mobilizohen e t’iu përgjigjen masivisht regjistrimit, për të kontribuar në zhvillimin e të mirën e vendit./GJILANI INFO/
