Kryetari i Komunës së Gjilanit, Alban Hyseni, ka prit në takim, shefin e Misionit të OSBE-së në Kosovë, ambasadorin Gerard McGurk.
“Sot zhvilluam një bashkëbisedim të rëndësishëm, ku diskutuam për bashkëpunimin institucional dhe projektet e përbashkëta që kanë ndikim të drejtpërdrejtë në jetën e qytetarëve tanë”, tha Hyseni.
I pari i Gjilanit, theksoi se fokus i veçantë i takimit ishte puna jonë në raport me komunitetet jo-shumicë, avancimi i politikave të barazisë gjinore, si dhe mbështetja dhe fuqizimi i të rinjve në shoqëri dhe vendimmarrje.
“Bashkëpunimi me OSBE-në vazhdon të jetë i rëndësishëm në forcimin e kapaciteteve institucionale dhe në realizimin e nismave që promovojnë barazi dhe zhvillim demokratik”, tha kryetari Alban Hyseni./Gjilani INFO/
