Dr. Taulant Ramadani, shef i Shërbimit të Stomatologjisë në QKMF-re të Gjilanit, ka pritur kryetarin e Komunës së Gjilanit, Alban Hyseni.
Shefi Ramadani ka thënë se kreut të Komunës i ka shprehur mirënjohje për vlerësimin dhe aprovimin e nevojës së ripërtrirjeve të resurseve teknike në Stomatologjinë e Sektorit Publik, si dhe se kanë diskutuar edhe për investime të reja.
“Viteve të fundit është fuqizuar në mënyrë rapide sektori privat.Paralel me këtë haset edhe ngritje e çmimeve për ofrimin e shërbimeve shëndetësore stomatologjike. Andaj, çdo investim që realizohet në shëndetësinë e institucioneve publike, mundëson qasje dhe pranim të shërbimeve nga pacientët, më shpejtë dhe më efektshëm. E mbi të gjitha me kosto më të ulët brenda Institucioneve tona”, ka theksuar, Dr. Taulant Ramadani, shef i Shërbimit të Stomatologjisë në QKMF-re në Gjilan./GJILANI INFO/
